Right column:

muʿālece‑i nāzile ki ġıẕā buḫārından olur // imdi fāʾidesi budur ki yarpuzı dögüb // ve ṣuyın ṣıqub rubʿ miqdārı sirke ile // ḫınnāʾı [!] ḥamīr [!] ėdüb daḫı ḥammāmda terāş olub // bir ān oturdükden‑ṣoñra başına yaqu ile nāzileʾi // çeküp yumurda gibi yuqaru çeke ol yėri ḥicāmet eyle // ayrıq gelmez şişe ile çekeler nāfiʿdür
fāʾide göz buḫār‑ile şiş ve qan ṭolsa ve gėce ile // aġrısı uyutmaz olsa yiyecekden perhīz olub // zencebīl ve qaranfil ve şūnīz ikişer dirhem başqa // başqa dögüb daḫı ʿale t‑taʿcīl ṣuyı dökinmedin // terāş olub revāq bal sürüp üzerine eczāʾı // doyınca ek baʿdehū çoq otur üc gün içinde // aṣlā qan ve şiş qalmaz ve qurı göz aġrısına eczāʾı // ekme zīrā göze aq düşürür şöyle bilesin ġaflet olınmaya
nevʿ‑i dīger göze aq düşse m‑r‑ż‑ī ile nüşādırı // ber‑ā‑ber dögüb daḫı mercümek qadar her gün gözine bıraq // her ne‑qadar aqı çoġ olsa giderür
fāʾide bir qulaq işitmez olsa turb yaġın ṣabāḥ ve aḫşam ṭamzuralar // ve sirke boqı daḫı münāsibdür ki lākin bunlardan bir qaşıq ve bir qaşıq ya iki // ṣu daḫı qatub ve bir baş ṣarımsaġı qatı ḫūrde [!] eyle qabı ile bile nerm // āteş ile qaynada tā ṣuʾı gidince ṣoñra ıssıcaqla qulaġa ṭamzuralar // ṣanʿat budur

Left column:

muʿālece‑i dimāġ // ḥabb‑i sevdāyı dögüb zeyt yaġıyla // ḥall ėdüb andan sızub burnına // ṭamzura aʿlā ʿilāc olur

devā‑i ṣudāʿ ki baş aġrısı kim // ṣoʾuqdan ola ıssılarla devādur // ve ger ıssıdan olursa dermānı ṣoʾuqdandur // zīrā ḥükemā qavli żıddıyla ʿilāc olınur evvelā // müshil vėr ve qan ġālib ise qan aldır // mālīḫulyadan ise dühn‑i bednūsı // baʿde t‑terāş gül ṣuyı ve kāfūr ve qabaq // yaġı sür ve ṣoʾuqdan ise ferfiyūn // yaġı sür aʿlā ʿilāc olur

nevʿ‑i dīger göz qararub gėcese yaşı aqsa // ve ḫalqı dumanda gibi görür olsa // bir dirhem zencebīl ve on dirhem m‑r‑ż‑ī // dögüb gözine sürme gibi çeke marażı // defʿ ola
nevʿ‑i dīger göze aq ṣu inse anduz // yigirmi dirhem ferfiyūn altı dirhem ḫāṣṣ // ḫınnā [!] otuz dirhem bunları bir yėre cemʿ ėdüb // üc bölükden birin merāre ile qalanın // daḫı yaqı ile baʿde l‑ḥammām ṭoquz gün ṭura // ṣuyı yaqar ve çeküp mīle muḥtāc olur // tāze iken ʿilāc budur ġaflet olınmaya